600 g steinbítur í bitum eða steinbítskinnar
góð ólífuolía til steikingar
1 laukur gróft brytjaður
2 tsk sykur
3 hvítlauksrif smátt brytjuð
hvítlauksolía
10 spínatblöð heil
1/2 rauð paprika
1/2 appelsínugul paprika
1 bakki sykurbaunir heilar
2 msk graslaukur mjög smátt klipptur
1/2 l rjómi
karrý
Oscar fiskikraftur
Oscar nautakjötskraftur
12 ára koníak ☺

Steinbíturinn er steiktur á pönnu í góðri olíu og kryddaður vel með salti og pipar úr kvörn.

Laukurinn er svissaður á pönnu í olíu, sykri stráð yfir þegar hann er að byrja að linast.

Hvílaukurinn er settur samanvið og smávegis hvítlauksolíu bætt útí olíuna sem fyrir er.

Spínat, paprika rauð og appelsínugul og sykurbaunir er sett útí og að síðustu graslauknum stráð yfir og allt svissað á pönnunni stutta stund.

Rjómanum bætt útí, kryddað með karrý og fiskikrafti og örlitlu af nautakjötskrafti.

Smáslettu af koníakinu er hellt útí og látið malla aðeins saman við.

Að síðustu er steinbíturinn lagður ofan í pönnuna og slökkt undir og látið liggja undir loki í 7-10 mínútur.

Borið fram með hrísgrjónum, góðu salati og glóðuðu brauði.